...lokaður frá Bláfjallaafleggjara - EN í hvaða átt ?

Er verið að segja okkur að Krýsuvíkurvegur sé lokaður frá Hafnarfirði í Ölfus -eða er hann opinn frá Hafnarfirði í Bláfjöll eða er lokað frá Bláfjalla-afleggjara að Vatnsskarðsnámum????      Hversu lengi ætla landsmenn að líða svona ófullnægjandi og ónýtar upplýsingar um lokun gatna og vega.  Eða eigum við bara að fagna af hjartans einlægni ef einhverjar upplýsingar birtast yfirleitt.   

Dæmi: Næturlokun Hvalfjarðarganga hefur ítrekað verið merkt með óhreinu, bláu skilti á stærð við borðtölvu, þegar komið er að vegamótum við Laxá í Leirársveit.  Sá sem ekki hafði heyrt eða  skilið !!!! útvarpsauglýsingu um lokunina, fékk alls ófullnægjandi viðvörun fyrr en komið var að norðuenda Hvalfjarðarganganna.  Þar var fólk gert afturreka.  Hjáleiðin um Hvalfjörð er ekki sérstaklega áhugaverður krókur að næturlagi, þótt ekki bætist við ca 25 km vegna virðingarleysis við vegfarendur.  Við suðurenda ganganna var hinsvegar komið fyrir viðvörunarljósum og skiltum í viðeigandi stærð og lit !!!

Krýsuvíkurvegur lokaður í kvöld og nótt

Glæsileg frammistaða og svo má halda titlinum með.....

Já með nýju afreki - Brú yfir Þjórsá hjá Sandhólaferju- sem gæti stytt leiðina milli Þykkvabæjar og Selfoss um 33%.  -  þvi nú hefur Vegagerðin sannað getu sína einu sinni enn.                                    Til hamingju Vegagerðarfólk ! 

Þykkbæingar hvetja ykkur til dáða og hlakka til að sjá hugmyndir ykkar

Auðvitað kæmi svo brú á Hólsá  (ósa Rangánna ) sem yrði flóttaleið Landeyinga undan Kötluhlaupinu í stað þess að aka 30km leið á móti hamfaraflóðinu eins og skipulag viðbragðsáætlana Almannavarna gerir nú ráð fyrir. 

 

Það hefur legið fyrir frá því fyrir miðja síðustu öld að stórskipahöfnina og ferjuhöfnina ætti að gera í Þykkvabæjarfjöru. Þótt allir upplýstir menn viti það og/eða skilji þegar þegar á það er bent, eru vinir okkar, Vestmannaeyingar auðvitað velkomnir þessa leiðina frá Bakka.

Þjórsárbrúin verðlaunuð

Eftirávísindi ? Sér enginn eftir neinu ?

Var þetta óðagot?  Hvað fannst bangsa, þegar fjölmenni dreif að ?  Fannst honum sér ógnað?  Lá almannahættan etv í því hversu margir voru vopnaðir?  Hvernig mundi svona stjórnvald bregðast við ef alvöru vá væri yfirvofandi ? Skynsamir menn hljóta að fá bakþanka !                                    Eða helgar tilgangurinn alltaf meðalið, eins og virðist hafa verið sjónarmið þess, sem 1983 skaut niður Boeing 747 farþegaþotu Korean Airlines við Shakalin eyju.  Þótt 269 manns hefðu verið um borð sá hann ekki eftir neinu. sjá link:http://users.rcn.com/lana.interport/link/colonel.html           Eða er landsfaðir búinn að gefa tóninn um að afgreiða alla svona umræðu sem "eftirávísindi"

„Hefði átt að loka veginum"

Skynsamir menn hljóta að fá bakþanka

Var þetta óðagot?  Hvað fannst bangsa, þegar fjölmenni dreif að ?  Fannst honum sér ógnað?  Lá almannahættan í því hversu margir voru vopnaðir?  Hvernig mundi svona stjórnvald bregðast við ef alvöru vá væri yfirvofandi ? - Gætum við treyst því fyrir ræsibúnaði gereyðingavopna ? Skynsamir menn hljóta að fá bakþanka !   Eða - helgar tilgangurinn meðalið, eins og var sjónarmið þess sem 1983 grandaði Boeing 747 farþegaþotu Korean Airlines með 269 manns um borð og sá ekki eftir neinu sjá link: http://users.rcn.com/lana.interport/link/colonel.html 

Ísbjörninn felldur

Batnandi mönnum er bezt að lifa !

Einsýnt að þau munu snúa þessu við:  Á bls 6, í sunnudags-Mogganum 1. júní  sést að Halldór - blessaður- Blöndal ber aldurinn vel.  Loksins upplifum við frá kempunni landsföðurlega handleiðslu sem ég efast ekki um að Gísli Marteinn og Hanna Birna munu taka mark á, jafnvel þótt í óbundnu máli sé.  Ólafur F. fær þarna ómældan stuðning og gamli góði Villi sleppur fyrir horn.  

Þótt ennþá sé verkur í minni sál vegna ráðstöfunar sameiginlegra þjóðarsjóða í Héðinsfjarðargöng, sem ég tengi nr#1, #2 og #3 við téðan Blöndal, óska ég honum lengstra lífdaga, því batnandi mönnum er bezt að lifa.  Snyrtilega orðað hjá honum.  Fáir hefðu gert betur (jafnvel ekki ég - en eins og flestum er kunnugt, "hefur hógværðin lengst af verið mér fjötur um fót og einn minn helsti löstur")    http://kela.blog.is/blog/kela/entry/556413/ 

 

Fylgi D-lista aldrei minna

Er þetta leikur að prósentum eða fréttafölsun ? 11% tákna hvað ?

 

Kjörfylgi framboðs F lista var 10% skv Hagstofu. Á þeim stutta tíma sem Ólafur F

hefur haft afl til að fylgja eftir stefnuskrá sinni frá síðustu kosningum, hafa skoðanakannanir sýnt fullkominn viðsnúning í afstöðu Reykvíkinga til Reykjavíkurflugvallar.  Ef íbúar nágrannasveitafélaga t.d póstnúmera 170 / 200 / 210 / 220 / 270 væru spurðir, þar sem hann er þeirra heima(flug)höfn, þarf enginn að efast um að enn meiri stuðningur við hann kæmi í ljós.

 

Þeir sem gína yfir verðlaunaðri skipulagstillögu Vatnsmýrarinnar, heyra brátt að barnið segir “Keisarinn er nakinn” og þá verður það “politically correct” Ég trúi því að “frábæri” textinn sem fylgdi tillögu skotanna sé glópagull og aðlöguð beita sem kokgleypt hafi verið annarsstaðar.

Öllu skynsömu fólki er ljóst að Reykjavíkurflugvöllur er ómissandi forsenda fyrir tilveru okkar sem eyþjóðar auk þess að vera vinnustaður fjölda fólks. Árásir braskara í lóðaleit og verktakavina á ekki lengur upp á pallborðið hjá öðrum en stuttbuxnaliðinu. Reykjavík heldur ekki stöðu sinni sem

höfuðborg án þessa grundvallar samgöngumannvirkis.

Sú óeðlilega athygli og það aðgengi sem fjölmiðlar veita bullsamtökum um betribyggð

og öðrum querulöntum byggir á sömu hlutdrægni og birtist í túlkun niðurstaðna þessarar skoðanakönnunar.  

Reykjavíkurflugvöllur er jafngamall civil fluginu í heiminum.  

Í frétt á forsíðu Mbl þann 4. sept 1919 er athafnasvæði Flugfélags Íslands(nr1) mörgum sinnum nefnt "flugvöllur" t.d:

"En um kl 5 í gær gerðist óvæntur atburður suður á Flugvelli"   Þar er verið að segja frá fyrsta flugtaki flugvélar af  íslenskri grund. Avro504 flugvél Flugfélags Íslands (nr1) flaug með farþega gegn gjaldi og var flug á þess vegum því auðvitað atvinnuflug.    

"Flugstuðull" heitir minnisvarði um þetta flug sem er austan Njarðargötu, norðan Fluggarða í Vatnsmýrinni, á sama stað og fyrsti flugvöllur á Íslandi var. Sami flugvöllur, en endurbættur, var t.d notaður af Hollendingum sem stunduðu þaðan veðurrannsóknir árin 1932-3 http://www.aerofile.info/fokkerd7/d7html/polaryr.htm

 

Flugvöllurinn í Vatnsmýrinni ER ÞAR ENNÞÁ og hefur eflst og þroskast. Þar hefur vaxið upp "Þekkingarþorp"um flugtækni, flugvísindi, fluglist, flugsögu, flugöryggi, flugveður, flugleiðsögu og flugmenningu.

Pólitískur loddaraskapur, rangfærslur og skilningsleysi ógna nú tilveru þess samfélags.  Meirihluti þjóðarinnar hefur skilning á því að án flugs og eigin flugsamgangna væru litlar líkur til þess að örþjóðin Ísland hefði stöðu lands á heimskortinu - hún væri bara þorp eða hérað. 

Stuðningur við Ólaf F og þá sem skilja hversu mikilvægt þetta er, mun því bara vaxa !

Óánægja með störf borgarstjóra eykst

Klárustu krakkarnir !!!

Hvað segir það um þessa náttúruperlu, áhuga almennings á henni og verðmæti hennar,  að hvorki lið MR né Borgarholtsskóla bar kennsl á Urriðafoss í lokaspurningu Gettu-betur í gær.  Úrslitin í undanrásum keppninnar réðust á þessu atriði.  Leikur einhver vafi á því að keppendur séu frambærilegustu fulltrúar ungu kynslóðarinnar í dag ??? 

 

Umhverfisráðherra heimsækir Sól á Suðurlandi

Sér enginn útrásarmöguleikana

Grútspældur - glæpnum stolið frá mér -  Ég var einmitt að leggja til samsvarandi í gærkvöldi

Tel augljóst að verði kostnaði af betrunarvist létt af samfélagi okkar með útrás til Eystrasaltslanda eða jafnvel Kína, megi bæta kjör þeirra friðsömu talsvert.  Eiga löggulemjarar ekki skilið að þeirra gæslumenn skilji þá og hvað þeir eiga skilið ?  Dæmi: Breiðavík ( lágmarksaldur 21 ár ?) endurvakin í Litháen með þarlendum umönnunaraðilum - við hljótum að verða að treysta erlendum rekstraraðilum fyrir svona málum eins og öðru,  ef þeir hafa vottun til þess.

Unglingur sendur í betrunarvist til Síberíu

Dramb er falli næst !

Dramb er falli næst -     Stofnanastjórar, fréttamenn, pólitíkusar, skaupshöfundar - bara allir sem fjalla um flugslys eða flugslysaleysi í athyglisleit  - geta treyst á andúð mína og fyrirlitningu.    

PR maskína íslensku flugfélaganna klifaði á því ca 1977 - 8 hversu afburða mikið öryggi þeirra farþegum væri búið á grundvelli tölfræði sem samsvarar þeirri sem nú er borin á borð.  Á þeim tíma virtust flest erlend flugfélög mega blygðast sín BIG TIME - þar til -  15.11.1978 þegar TF FLA fórst í Sri Lanka og 183 manneskjur bættust öfugu megin á íslensku statistikina í einu vetfangi.   Flugöryggi er ekki afurð orðagjálfurs og verður aldrei tryggt með regluverki einu saman.  Þjálfun, virðing, vandvirkni og hæfilegur ótti skipa þar stóran sess - heillastjörnur hjálpa og það að storka ekki örlögunum - sem heitir hjátrú á mannamáli.  Á alllangri leið hef ég upplifað fleiri svipaðar fyrirsagnir sem hafa orðið undanfarar atburða sem allir vilja forðast.  Fólk sem trúir á mátt bænarinnar hefur nefnt við mig orðið bölbænir um þetta fyrirbrigði - þær munu víst máttugar líka.

Ekki banaslys í flugi frá árinu 2000