Önnur "vél" flugvélarinnar

Þotuhreyfill er auðvitað vél, en ósköp finnst innvígðum samt afkáralegt að horfa á þennan texta.

Þetta kann að vera afsprengi þess sem oft vefst fyrir fólki,  að með orðinu hreyfill er ekki átt við loftskrúfu flugvélar heldur mótorinn (vélina) sem knýr skrúfuna. 

Fimm slasaðir eftir nauðlendingu

Eftirlit eða ?

Maðurinn er búinn að hafa atvinnu af flugi í meira en áratug.  Hvað les fólk út úr þessu ?   Er þetta svipað og sagt hefur verið um kynlífið :  Þeir sem geta það, gera það - hinir hneykslast eða kenna ?

 

 

 

Flaug farþegaþotum réttindalaus

Vel menntaða fólkið okkar - gerir varla mistök

Núna hlýtur einhver að hafa misskilið - vitlaust.  Við sem stundum erum þjóðin, vitum að við eigum að vera frá okkur numin af aðdáun og stolti yfir hæfileikum og störfum vel menntaða fólksins okkar. 

Getur verið að vel menntaða fólkinu okkar yfirsjáist ?  Er eina ferðina enn að koma í ljós að prófgráða komi ekki í stað vandvirkni, vits og þekkingar ? 

Málin felld niður vegna formgalla

Iss - bara 330 cm af 5000 kr seðlum

"Milljón" hélt ég bara að væri orðin úrelt hugtak í fréttaflutningi -  teldist nánast skiptimynt.

Milljarður væri tekinn við - helst með þúsund sem forskeyti.  Það hugtak virðast allir geta rætt af miklum eldmóði , en litlum - ef þá nokkrum - skilningi. 

Til þess að fá einhvern skiljanlegan mælikvarða á svona upphæðir breyti ég þeim í seðla.

Upphæðin sem danska fréttin fjallar um, væri "bara" 3,31meters þykkt búnt af nýjum, sléttum, íslenskum 5000kr seðlum. 

Samþykktar forgangskröfur í bú Landsbankans eru 30 kílómetra þykkt búnt af samskonar 5000 köllum.

Í fréttaflutningi af ársfundi Fjármálaeftirlitsins 26 nóv s.l.  kom fram að vegna hrunsins hafi tapast  þrettánþúsundogtvöhundruðmilljarðar íslenskra króna ( 13.200.000.000.000 kr ) það samsvarar búnti af 5000 kr seðlum (nýjum og sléttum) sem væri 316 km að þykkt.

Væri seðlabúntið lagt á hliðina, gæti það orðið samfelldur kantsteinn meðfram þjóðvegi #1 frá Rauðavatni við Reykjavík að Skaftafelli í Öræfum. 

JÁ - SÆLL  !!!  Ólafur Ragnar kvittar auðvitað bara undir nýtt lán og reddar okkur út úr þessu !

 

 

Skipti 140 milljóna króna ávísun

Skilur einhver hugtakið 1000 milljarðar ?

Umræðan um ISAVE er í óræðum upphæðum - en alltaf í milljörðum. Stundum eru nefndar stærðir á borð við þúsund milljarða.  Hvað er þetta mikð af peningaseðlum ?

1000 milljarðar íslenskra króna, væri ca 120 Kílómetra þykkt búnt af nýjum, sléttum og pressuðum 1000kr seðlum - eða 24 km þykkt búnt af nýjum, ónotuðum, sléttum og pressuðum 5000 kr seðlum.

Koma svo .... Samþykkja nú .... ( Við verðum annars fáum við ekki að vera memm í ESB )   

-  FYRIRGEFIÐI - ÉG EFAST EKKI -  ÉG TRÚI ....... ÞVÍ AРÞETTA SÉ EKKI HÆGT  ! ! !

Icesave mótmælt á laugardaginn

Ber þjóðin ábyrgð á nýjum ævintýrum?

Þegar bankarnir voru einkavæddir, átti íslenska þjóðin að vera laus undan áhættu vegna þeirra. Annað hefur komið á daginn.  Eigum við ekki heimtingu á sannfærandi útskýringum á því: Hvað kemur í veg fyrir að Hr. Erlendur Kröfuhafi og hans félagar endurtaki sama hrunadansinn á okkar kostnað ? 

Segir yfirtökuna betri kost

Holur hljómur - komið að skuldadögum!

Skelfing er holur hljómur í þessu kvaki.  Krakkarollingar og aðrir óþekktargemsar hafa lengi fengið þau skilaboð, m.a. frá fv borgarstjóra Ingibjörgu Sólrúnu, að svona skemmdarstarfsemi sé "jaðarlist" og því tekin vettlingatökum. 

Þetta eru ekki bara bernskubrek.  Verum minnug þess, sem er alkunna : Glæpahundar merkja sér svæði, líkt og aðrir hundar. 

Auðvitað þarf að tryggja að viðurlög á skemmdarvargana í samræmi  við heildarkostnað af athæfi þeirra.   Síðan á skilyrðislaust að fara úr vettlingunum og láta af linkindinni.  Það er komið að skuldadögum í þessu efni.

Mikill niðurskurður í hreinsun á veggjakroti

Innrásarvíkingar ?

Ég ætla eitt andartak, að leyfa mér að efast um óhlutdrægni INNRÁSARVÍKINGANNA !!!   Af hverju skyldi þessi maður vera dreginn fram sem álitsgjafi ?

Samsæriskenningar eftir Jóhannes Björn Lúðvíksson, sem ég las fyrir margt löngu virðast mér núna vera að rætast - hver af annarri.   Lætur nærri, að í bók sinni "Falið vald" hafi hann spáð orðrétt fyrir um þróunina.

En heimur versnandi fer.   Bókin "Falið vald" kom upp í heilu lagi, þegar ég "goolaði" bókarheitið fyrir stuttu síðan - núna vísar síðan hans http://www.vald.org/  á bókabúðir og heimasölu.

Á síðunni segir:  "Bókin Falið vald hefur verið ófáanleg í yfir 20 ár og hagkerfi jarðarinnar hefur þróast nákvæmlega eins og bókin spáði. Helsta hlutverk þessarar síðu er að ..."

Þjóðarbúið ekki á hliðina vegna Icesave

Bannað í siðmenntuðum ríkjum að

Er ekki komið nóg af klúðri og spillingu hér.   Birting skoðanakannana korteri fyrir kosningar er siðleysi.  Þarna er galopin leið til að móta skoðanir og heilaþvo kjósendur.  Ef við viljum teljast til siðmenntaðra þjóða, verður að setja undir þennan leka.

Sama gildir um að sendinefnd "gangi til viðræðna við fulltrúa ESB"   Það er sambærilegt við að bjóða í "heimakynningu" þar sem sölumanneskju er hleypt að vinahópi  "komdu og vertu með okkur - þú þarft ekkert að kaupa"  -  Er einhver sem ekki kannast við framhaldið .... ???

Sjálfstæðisflokkur tapar miklu

Ef þetta snýst um hverju menn trúa

Það er ástæðulaust að velta þessu meira fyrir sér, ef þetta snýst um trú.  Ef okkur hinsvegar langar að vita, beitum við öðrum aðferðum.  Ég trúði því tæpast að hér á landi væru til hellar, sem nokkuð kvæði að.  Árni B Stefánsson, hefur leitað þeirra og fundið.  Það var hann sem lét vita að þýski flugstjórinn hefði sagt sér frá þessu atviki.  http://timarit.is/view_page_init.jsp?pageId=3310668   Ég veit núna að til eru alveg ótrúlega - stórmerkir -  hellar á Íslandi.  Þar sem mér er til efs að nokkur geti sannað að þetta hafi ekki gerst, langar mig að vita meira af staðreyndum um þetta mál - án tillits til þess hverju álitsgjafar eða fræðimenn trúa. 

Trúir engu í Lesbókargrein um ævintýralegan flótta