Ætli traust til þingsins mundi vaxa

ef hundarnir yrðu tveir og þefvís hundur fengi þar hlutverk við sitt hæfi ?  Varla er ásættanlegt að láta reka á reiðanum með ástand þeirra sem landinu stjórna.

Geir kveður og X heilsar

Búsáhaldabyltinguna á hann !

Jæja gott fólk !   Fyrst þjóðin - sem er víst ekki við -  nýtur réttinda sem hryðjuverkamenn hjá þessum LÝÐSKRUMARA,  legg ég það til að Búsáhaldabyltingin vígvæðist að nýju og sýni hvað í henni býr.  Fari í vesturvíking og herji á Austurvöll þeirra Lundúnabúa.  Láti þennan Jörund Brúna finna til tevatnsins - láti hvína og syngja í hans uppskafna grautarhaus - já skaði í honum hljóðhimnurnar með braki sínu og brestum.  ÚTRÁS BÚSÁHALDANNA !!! - HREKIÐ BRÚN ÚR HREIÐRINU !!!

Brown neitar að hann beri ábyrgð

Prófkjörs-töfrar - Eitur og pólitík fer ekki saman

Nú ber nýrra við -  Fyrir síðast prófkjörsslag sýndi Eyþór Arnalds - í þætti hjá Sirrý - hvað hann ætti - eða etv skuldaði flottan, stóran, svartan BMW - sem var stöðutákn hans hóps á þeim tíma.  Hann minntist hvorki á eitur eða afeitrun í því sambandi - en hver hugsaði sitt.  Maskína nafna hans Johnsens hefur ítrekað nýtt tengsl sín við glanstímarit til þess að fegra ásýndina og gengið býsna vel.  EN - Þetta er alveg nýtt útspil !!

Þegar Agnes nefnir stórslys - má líka t.d. leiða hugann að ástandi LANDSÍMAÞJÓFA og hvaðan þeir komu - Hvað var í nefinu á guttunum - BANKARÆNINGJUNUM -   Hvernig afeitruðum var látið eftir að sölsa undir sig allt milli himins og jarðar - af því að þeir væru auðvitað miklu betri en hinir - sem höfðu reynt að halda sig réttu megin við dóp- eða brennivínsgrensuna.   Já - ég er að meina t.d. þá sem fengu að sölsa undir sig banka, smásöluverslun hér, þar og erlendis, erlend fótboltalið ofl. ofl.  Hvar var kvótasetningin þá ???  Voru þarna engar auðlindir ???

Nú þarf enginn lengur að velkjast í vafa um að tími sé til þess kominn, að öllum sem vilja halda um stjórnartaumana eða setja okkur reglur og lög, beri a.m.k. að SANNA EITURLEYSI sitt reglubundið - með sambærilegum hætti og afreksfólk í íþróttum - eins og mun gilda um embættismenn í  USA.   Einhversstaðar eru þessi ca 30% ungs fólks sem statistik segir hafa neytt ólöglegra fíkniefna -  Hvort sem ég er þjóðin eða ekki, -  Ber flokkunum að tryggja þjóðinni að þeim hluta verði haldið fjarri stjórn landsins.  

DV: Eitrað fyrir Árna Johnsen

Mætti íhuga orðavalið

Mér þykir þetta ekki fýsilegt umfjöllunarefni, en þar sem hugtökin morð og ofbeldi eru hér sett fram líkt og um óskyldar athafnir sé að ræða - sem ég tel alls ekki vera - finn ég þörf fyrir slettirekuskap.  Hefði t.d. íhugað að nota orðin: hrottalegt - grimmilegt eða óhugnanlegt,  hefði ég orðið að lýsa atburði, þar sem - "dökkklæddir" árásarmenn hafa murkað lífið úr manneskju með þessum hætti. 

Ofbeldisfullt morð í Kaupmannahöfn

Auðvitað gengur boltinn fyrir.....

Alveg dæmigert fyrir ástandið að hygla boltatrúarbrögðunum.  Hvar er nú dómgreind stjórnmálamanna ?  Er ekki allt í lagi heima hjá þessu liði - er orðið svona stutt í kosningar og verið að treysta undirstöður fyrir næstu prófkjör ???  Er ekkert þarfara við aurana að gera og enginn að missa vinnuna kofann (eða þyrluna) í Eyjum ??   Er virkilega ekki hægt að slá aðeins af í þessu boltadekri ??? 

Samþykkt að hækka útsvar og byggja knattspyrnuhús

Bara ef... !!!

Bara ef allar fréttir sem tengjast þessum manni -  sérstaklega þó úr þessum heimshluta -  ættu svona vel við mig.   Reyndar er ólíklegt að ég hefði tárast, þótt skórinn hefði ratað rétta leið. 

Óskaplega væru það mikil umskipti ef þjóðarsálin þeirra fengi risið úr öskustónni og endurheimti stolt sitt með jafn ásættanlegum hætti.   Þeim tækist að niðurlægja og móðga alveg herfilega en niðurlægðir hálfvitar sem ættu að móðgast föttuðu það ekki - og allir teldu sig sigurvegara.  Já bara ef ..... !!!!

Skókastarinn orðinn þjóðhetja

Það sem ekki tókst með vopnum

Það sem tókst ekki með vopnum í seinni heimsstyrjöld, er herraþjóðum Evrópu takast með peningum: Að ná tangarhaldi á öllu sem máli skiptir í álfunni.  Við urðum sem betur fer aldrei hluti þriðja ríkis Hitlers og ekki varð það langlíft - og hvað hétu nú öll þessi ríkjabandalög: Breska heimsveldið,   Austurríki/Ungverjaland, Rómarveldi, Sovétríkin o.s.frv - sem öll eru liðin undir lok. 

Evrópusambandið, ESB eða hvað það kallast á hverjum tíma, hlýtur því auðvitað að verða eilíft - getur nokkur vafi leikið á því ????  En er ekki núna fyrst að reyna á hvernig límingarnar halda þar?  Spyr sá sem ekki veit.    Setjum svo að við trúum því og treystum að ESB muni alltaf, alltaf verða til og hugsanlega sé litla Ísland ofboðslega velkomið þangað inn.   Hvað höfum við þá fram að færa - hvað getum við lagt á borð með okkur ?  Vantar ESB jökla ? Vantar ESB jökulár, svarta sanda, rok eða rigningu ?  Varla vantar ESB vel menntaða fjárglæframenn - ef svo er, megum við missa alla slíka.  

Meirihluti þjóðarinnar hefur verið teymdur inn á þá skoðun að nú skuli ljúka við að afsala endanlega fullveldi Íslands til ESB sem yfirþjóðlegs valds, með allt niður um okkur og án þess að hafa nokkurt einasta "Bargaining power" eða vera í neinni samningsstöðu - af neinu tagi.  Fiskinn sem er líklega það eina áhugaverða,  hann má ekki snerta.  Þótt fiskimiðin séu auðvitað sameign þjóðarinnar í orði kveðnu, virðist það orðið náttúrulögmál að kvótagreifarnir eigi fiskinn jafnt ófæddan sem óveiddan auk allrar mögulegrar aflaaukningar í nútíð sem framtíð.

Íslensk stjórnvöld hafa vanið íbúa minni sveitafélaga landsins á að kyngja og kokgleypa sameiningu við nágranna sína.  Fyrst þau íhuga nú að afsala fullveldinu, skulum við hefja leikinn á því að hugsa nær okkur og út fyrir þennan ESB ramma.   Geir, áður en þið kvittið undir IMF skuldirnar, viltu vera svo góður að kanna hvernig frændur þínir tækju í að fá okkur sem fylki í Norge - með Norska krónu.

Ef við neyðumst til þess að gefast upp fyrir skuldastöðu þjóðarinnar, er Noregur eina ríkið sem við höfum eitthvað að bjóða.  Þangað skulum við fyrst horfa.  Með EES erum við þegar í sama potti og Norðmenn og í yfirþjóðlegu sambandi við þá.  Ef eitthvað er til í því að á Drekasvæði sé olíu að finna, eru þar hagsmunir sem henta Norðmönnum.   Við deilum með þeim Norður-Atlantshafi auk uppruna okkar, sögu og fornri menningu.  Sagan kennir okkur að þaðan gætum við átt afturkvæmt.

Meirihluti styður ESB-aðild

Hvert er höfuðmeinið

Hvað er í gangi hérna ?   Hvaða þöggun er þetta ?  Nýju fötin keisarans hvað ?  Man enginn þá dæmisögu ?  Ok -  hún var eitthvað á þá leið að svikahrappur plataði keisarann til þess að fara í ósýnilegum klæðnaði út á meðal þegnanna. Þeir dáðust allir að klæðnaði hans - þegar hann var í reynd berstrípaður.  Enginn þegn maldaði í móinn, þar til lítill drengur hrópaði " Keisarinn er nakinn" 

Ég er starfandi utanríkisráðherra sagði Össur í sjónvarpi - ISG kom fram nánast á næsta andartaki og baðaði sig í sviðsljósinu sem utanríkisráðherra - sagði eitthvað á þá leið: Við megum ekki magna deilurnar við Breta.   Hún var varla búin að sleppa orðinu þegar Össur kom fram - sem starfandi utanríkisráðherra -  kvað upp úr með að hann muni ekki kyssa á vönd kvalara sinna etc... ( Gott hjá Össuri ). Í þeim hremmingum sem við göngum í gegn um nú um stundir, fer því fjarri að viðkvæmni og tillitssemi megi trufla eða ganga framar ísköldu mati á aðstæðum. 

Hefur þjóðin gleymt því að Ingibjörg utanríkisráðherra varð fyrir rúmum mánuði að gangast fyrirvaralaust undir hnífinn í New York til að láta fjarlægja höfuðmein ?  Er heilaskurðaðgerð allt í einu orðið eitthvað BARA ?  Eitthvað sem maður útskrifar sig frá sjálfur og kemur svo - með lyfjaglösin, bryður töflurnar sínar - og segir NÚ GET ÉG !!!  Leggst maður svo bara augnablik með höfuðið aftur undir hnífinn inn á Landsspítala, lyftir höfðinu frá koddanum og ákveður fyrir hönd íslensku þjóðarinnar að við greiðum - kvalara okkar - súrrealiskar fjárhæðir.   Ingibjörg lætur eins hún og enginn annar sé til þess bær að hafa vit fyrir okkur á þessari ögurstundu - þrátt fyrir allt. 

Hefur enginn neitt við þetta að athuga - eða þarf lítinn strák til að hrópa: "Utanríkisráðherra er nakin"  Ekki misskilja mig - ég óska henni vissulega góðs bata en krefst nauðsynlegrar hvíldar.

 

 

   

Sakar ráðherra um óheilindi

JÁ, en.. ef útlendingar eru að kaupa fyrir KRÓNUR -

Ef braskarar kaupa íslenskar krónur á hrakvirði erlendis -

og koma síðan til Íslands og borga með KRÓNUM !!!  

Við þessar kringumstæður verður að taka upp gamla háttinn og tryggja gjaldeyrisskil

annars er hætt við að fleira fari úr landi en þjóðinni hentar.  Óseldu nýju bílana þarf að senda úr landi.  Bílarnir og tækin á myntkörfulánunum þyrftu að fá eigendur sem afla tekna í erlendri mynt.  EN - Það verður að sporna gegn því að við missum úr landi of mikið af tækjum til verklegra framkvæmda. 

Bílaflotinn seldur til Noregs?

Segi það upphátt...

Að fyrst mér kemur ekkert jákvætt í hug um þetta AFREK - núna á þessum gósen tímum -

ætla ég ekki að segja eitt einasta orð

Með kjöt af heimaslátruðu í bílnum