Fullorðins...

Er þetta til marks um karlmennsku? eða... Er hægt að ímynda sér meira "fullorðins" frístundaiðju?       Er þessi fréttaflutningu etv liður í að undirbúa jarðveginn og sálir okkar fyrir átök heilbrigðisstétta? 

En svona í alvöru: Það er skelfileg staða þegar mannfólkið þarf að grípa til slíkra örþrifaráða.  

Sagaði af eigin fótlegg

Morgunljóst

Ekki er vandað hann val röksemdanna þarna.  Það er morgunljóst að "þörfin" fyrir byggingarland á þessum stað byggir á heimatilbúnum eftirávísindum og pólitískum loddaraskap til margra áratuga.  

Skipulagsyfirvöld Reykjavíkur vönduðu mjög til verka þegar þau völdu framtíðarflugvelli íslensku þjóðarinnar þennan stað úr fjölda mögulegra, sem þá stóðu til boða.  Borgaryfirvöld voru að nýta skipulagsvald sitt til frambúðar í þágu íslensku þjóðarinnar. Sú ákvörðun var tekin áður en Ísland var hernumið og málsmeðferðin byggðist eingöngu á íslenskum hagsmunum.  

Ákvörðunin hafði ekkert með hernaðarstarfsemi að gera.  Sjá Mbl og fleiri blöð 10. marz 1940:  http://timarit.is/files/12228054.pdf http://timarit.is/files/12228065.pdf

Flugvallarskipulag þess tíma var draumur og stefna til ókominna tíma, en rættist hinsvegar á örskotsstundu vegna ófriðarins og draumamannvirkið fékk íslenskaþjóðin á silfurfati - afhent til eignar - án þess að þurfa að bera kostnaðinn af gerð þess.

Þetta mannvirki varð ein helsta undirstaða og forsenda þess að á þessari eyju okkar, fjarri öllum meginlöndum, þróaðist sú þjóðfélagsgerð sem við búum við í dag.  Mannvirkið er eitt helsta fjöregg þjóðarinnar og morgunljóst öllu skynsömu fólki að flugvöllurinn þarf að vera en ekki fara.

Verum minnug þess að við búum á eyju og flugstarfsemi er grundvallarþáttur í lífi landsmanna. Nútímasamfélag á Íslandi er órofa tengt flugi, flugstarfsemi og flugsamgöngum og er óhugsandi án þeirra.  Flugvöllinn ber að friða um ókomna tíð gegn lóðabraski og dægurþrasi.

 

 

„Ljóst að flugvöllurinn þarf að fara“

Njótum lands - nýtum land - en níðum það ekki.

Takk Sigurður Ingi fyrir að hafa kjark til að takast á við þetta stóra mál.

Fólkið sem lifir í landinu okkar er auðvitað mikilvægur hluti af náttúru þess.  Mín upplifun var að framhjá þeirri staðreynd hafi verið skautað við setningu þessara laga, með einstrengingslegum verndarákvæðum um nánast allt og allsstaðar - án tillits til hagsmuna samfélags núlifandi íbúa.  

Ég vil að við getum notið landsins og nýtt það með skynsamlegum hætti - Styð auðvitað náttúruvernd heilshugar og hafna því að mönnum líðist að níðast á landinu okkar eða fólkinu sem það byggir.  

Lög um náttúruvernd afturkölluð

Skipulagsyfirvöld Reykjavíkur 1940 völdu framtíð flugs stað við Vatnsmýri

Borgarráð samþykkti tillögu skipulagsnefndar um framtíðarstaðsetningu innanlands og millilandaflugvallar við Vatnsmýri tveimur mánuðum fyrir hernámið 1940.  

Það var gert að undangenginni skoðun og rannsóknum skipulagsyfirvalda á mörgum öðrum valkostum.   Þá vissi enginn hvort Bretar eða Þjóðverjar væru líklegri til að ráðast hér inn.

Stórhuga framtíðardraumar bæjaryfirvalda um flugvöll á þessum stað rættust, fyrr en nokkur þorði að láta sig dreyma um, vegna hins skelfilega ástands sem þá var í heimsmálunum.  

Skömmu síðar var íslensku þjóðinni fært þetta fjöregg, nánast á silfurfati.

Það varð undirstaðan sem íslensk flugstarfsemi byggir ennþá á.      

Sjá hér grein Mbl frá 10.mars 1940 - Ekki ætti að þurfa frekari vitnanna við:  http://timarit.is/files/12228054.pdf 

Borgaryfirvöld nýttu sitt skipulagsvald til frambúðar á þessum stað í mars 1940

Við búum á eyju og flugstarfsemi er grundvallarþáttur í lífi landsmanna.  Nútímasamfélag á Íslandi er órofa tengt flugi, flugstarfsemi og flugsamgöngum og óhugsandi án þeirra.  

Flugvöllinn ber að friða um ókomna tíð gegn dægurþrasi, hentistefnu pólitíkusa.

50.000 undirskriftir hafa safnast

Að þekkja ekki sinn vitjunartíma

Hvenær skyldi samfélagið átta sig á þeim möguleikum sem allir litlu flugvellirnir gætu auðveldlega skapað með því t.d. að laða að þeim erlenda ferðamenn á eigin flugvélum.  Þar væru sjaldnast á ferðinni snauðir aukvisar.

Þótt öllum eigi að vera ljóst að eyþjóðin okkar á allt sitt undir því að ráða eigin samgöngum, er markvisst grafið undan möguleikum Íslendinga til öflunar og viðhalds flugréttinda.   Flugáhugi er landlægur en þeim sem flugréttinda afla sér hefur verið gert nánast ókleift að viðhalda þeim.   

Dekur við fólk sem "farið er í hundana" á kostnað fluglistarinnar - flugþekkingarinnar - flugtækninnar - er í góðum takti við þá lágmenningu sem veður hér yfir allt.   

Flugvélarnar víkja fyrir hundum

Eftirávísindi feministastelpna

Æi, þessi eftirávísindi.  Skv. þessum forsendum "þurfti tvo til" og því liggur beint við að álykta að frönsku karlmennirnir hafi ekki kunnað sitt móðurmál:

 ..."Hún segir að ýtt hafi verið undir kynlífsóra bandarískra hermanna heima fyrir til dæmis í tímaritum þar sem Frakkland var til að mynda nánast auglýst sem eitt stórt vændishús og hermönnum kenndir frasar á frönsku eins og: „Þú ert mjög falleg,“ „Viltu sígarettu?“ og „Eru foreldrar þínir heima?“"

 

 

Bandaríkjamenn ekki bara frelsarar

Kjalveg austur fyrir Bláfell

Hef alltaf sé fyrir mér að ef gera á nothæfan veg um Kjöl, sé skynsamlegast að leiðin liggi um Hrunamannaafrétt austan Bláfells og að brúa ætti Jökulfallið norðan ármótanna við Hvítá.

Bláfellshálsinn verður alltaf farartálmi.  Þar eru veðurfarsleg áhrif landslagsins miklu meiri en nemur hæð þess yfir sjávarmáli.  Langjökullinn gnæfir á aðra hönd. Hann beinir vindum bæði lóðrétt og lárétt og magnar upp vindstyrk og veðurkrafta.  Síðan trónir Bláfellið á hina höndina.  Hálsinn er því oft hið versta veðravíti.

Svo hlýtur að vera ástæða til að hlúa að og byggja upp ferðamannaleiðir víðar en i Árnessýslu.  

Alveg er t.d. með ólíkindum að Rangæingar skuli ennþá láta bjóða sér það, að nánast allri umferð um Sprengisand eða í Landmannalaugar, Fjallabak o.s.frv skuli - vegna ónýtra vegarkafla - vera beint um Þjórsárdal - framhjá byggð í Rangárþingi ytra. 

Kjalvegur ekki boðleg ökuleið

Við skulum hætta að éta hvali ef þýskir sættast á 90km hámarkshraða

Ég hef gert þýskum vinum mínum sem elska hvali,  tilboð um að íslensk þjóð hætti að veiða og éta hval ef þýska þjóðin sættist á sömu reglur um hámarkshraða og við lifum við.  Tilboðinu var hafnað og yfirlýsingar gefnar um að við skyldum bara halda okkar barbarisma og þeir sínum.  

Tel líklegt að sömu lögmál gildi um makríl eða hvað eina annað sem úr sjó mætti draga. 

Engan hámarkshraða á hraðbrautum

Til lítils... ef fleiri lyklar eru til

Það er til lítils, að fleygja óþokka "í grjótið og týna lyklunum",

ef fleiri lyklar eru til   ;-)

Lyklar að 180 fangaklefum týndir

Samstaða um Magnús Hlyn

Mótmæli uppsögn Magnúsar Hlyns. Framganga stjórnenda RUV er mér hreint ekki að skapi núna. Í augum margra hefur Magnús Hlynur og verkin hans verið ígildi "Gísla Einars" fyrir Suðurlandið. Auðvitað gríp ég líka þetta fágæta tækifæri til að lýsa yfir stuðningi við alla þingmenn Suðurkjördæmis í einu. Styð heilshugar viðbrögð þingmannanna. Þorkell Guðnason, Eyrarlandi, Þykkvabæ

Þingmenn mótmæla uppsögn fréttaritara