Þótt...

Að venju eru upphrópanir bloggara þeim til lítils sóma.  

Það fólk sem að mótmælum veglagningarinnar hefur komið, mundi fæst flokkast sem uppivöðslusamir "aðgerðasinnar" að aðalstarfi.  Það gengur flest fram fyrir skjöldu til verndar ósnortinnar / líttsnortinnar náttúru, sem er því mikið hjartans mál.  Allt þar til "formaðurnáttúruverndarsamtakaíslands" birtist, virtust þetta fyrst og fremst bara vera góðir og gegnir Íslendingar að sinna hlutverki sem við hin nennum ekki að láta til okkar taka. 

Allir sem eitthvað hafa fylgst með fréttaflutningi af þessu máli, geta séð í hendi sér að afskipti lögreglu af mótmælendum eru líkleg til að leiða til útgjalda í formi sekta, málflutningskostnaðar, dóma o.s.frv.  

 Ekkert sem fram hefur komið, gefur bloggurum forsendur eða heimild til að væna samtökin um meint skemmdarverk á vinnuvélunum.  Þeir bloggarar sem hér fara mikinn hafa væntanlega - ekki frekar en ég - hugmynd um hver eða hverjir þarna voru að verki. 

Skemmdarverk á vinnuvélum

Athugasemdir

[Þorkell Guðnason, 28.10.2013 kl. 16:27]

Niðurlag textans hefði mátt vera betur orðað:

... hafa væntanlega ekki - frekar en ég - nokkra einustu hugmynd um hver eða hverjir voru þarna að verki